Balaksip (Balak Nga Tinagsip)

bahog kalag ! (ang palad ni Filipinas) 12/26/2017 ako gihilanganlan ko nila ug burikat gihinganlan pa ko nila bahog kalag kay nitukob kuno sila sa akong bana nga baho kunog kalag unya ang akong bana di na ganahan nako kay nanimaho kuno ang akong kalag unya ang ako pud nga anak kawatan niingon pa jud sila pag storya ila kuno mi ipatokhang ipapatay kuno ming tanan mao nga nabuhat sa akong anak nadunggaban sila sa luyo apan nagmahay naman mi ana kay looy man sab kaayo ug kami pay nahimutangan pero gisakitan lang ko sa ilang gibuhat unya nakit-an pa jud nako sila sa banwa pagkakita nako nila sa banwa nidakan sila unya ug wa pa silay dautang binuhatan dili sila modagan o, unya niingon pa jud sila pagsulti nga pag tukob nila sa dignidad sa akong bana baho kunong singot baho kuno kog kalag ingon sa politikong kurakot gisakitan ko sa ilang gibuhat namo bag-o pa ming nagka-away ana nila niingon sila pagsulti nako nga ako kuno pagtukob k...

maria 12/26/2017 didto sa internetan, nagkatakdo ang atong dalan; matahum nga nilalang, unsa ang imong pangalan? ang kulba ug hinam, nagbugno ning dughan; ang baba kong tabi-an, hilom pa sa nag-awop nga bulan. sa imong paglingkod dapit sa akong kilid, ang akong kalibutan niluhod, nihunong pagligid. mikaging ang akong panimuot, pagbati sa dughan mihuot; nisaliray ang akong mga mata, didto sa imong imong computer screen napunta; ug sa wa ko damha didto nalatid ang imong e-mail, samtang dali kining napatik sa panumduman kong daw papel. kalipay ko ba bisan wala ko tagda, ang akong mga pasiklap wala gyud mogana; wa igsapayan kay ang yawi nasud na sa akong bulsa, ang e-mail address sa ma-anyag nga maria. mao kini ang sinugdanan sa taas nga sugilanon, mahitungod sa gugma nga maaghop ug malig-on; bunga niini si Kane ug si Kafka, polos gwapo ug gwapa; ang mga tawo nangutana asa liwat sila, nahibung ko sa ilang katingala; ...

mubo ug gamay 12/26/2017 ang kinabuhi mubo ug gamay, sama unta niini ang atong kalipay; dili na kinahanglan ang nanghingapin nga katigayunan, aron adunay igo nga bahin ang uban. ang tinunay nga kalipay yano, wa magsalig sa mansyon o palasyo; ang pagpanag-iya sa halapad nga kayuta-an, mosangpot lang sa paghikaw sa uban. ang pagkanihit ug pagpasulabi, sukhwahi sa mubo ug gamay nga kinabuhi; ang bahandi nga hilabihan, tinubdan sa way kaangayan. ang nanghingapin usa ka pag-usik usik, sa mga butang nga angay ipa-ambit; ang naglabi nga katimawa ug kaadunahan, maoy hinungdan sa gubot nga katilingban. gamay nga balay, sarang lang sa banay; sibo lang ang mga lawak, alang magti-ayon ug mga anak. gamay nga kusina, sigo lang sa mga kubyertos sama plato, baso, tinidor, ug kutsara; gamay nga hapag-kan-anan, ug sakto nga lingkuranan. gamay nga kasilyas ug banyo, igo lang sa pagkaligo ug pagpanglimpyo; gamay nga sala, alang sa ba...

Joys of Childhood 7 12/25/2017 Merrily, merrily they play Frolicking in the river In a festive May The morning’s bright sun Burst into children’s laughter Setting the day’s fun Later in the night They listen to myths and tales Seized by awe and fright 

Tips for Buying Used Cars in the Philippines Are you planning to buy a used or pre-loved car? Here are some important things to consider: 1.   Plate number.  It is generally better to buy a used car with a plate number belonging to the province or region you are from. This means the car was most probably bought and used in the locality. For instance, if you’re from Cebu cars bought and used here are usually better than those that are bought and used in other places that are prone to flooding or have experienced severe flooding. Make sure that the car carries the original or LTO-issued plate number. If the plate number is not LTO-issued (due to damge or loss of the original plate), ask for the original copy of LTO authorization. 2.  Year model and mileage.  An old car with an unusually low mileage is suspect. Most probably, the odometer is rigged. Generally, yes generally, a car will have 10,000 km per year which means it is not overused. 3.  Num...

Joys of Childhood 6 7/17/16 Merrily, merrily they play Chasing butterflies and bees Wishing not they flee Chanting nonsense rhymes Throwing pebbles on the road Flashing guiltless smiles Sharing food and fruits Helping do each other’s chores Cheering with a toot

Joys of Childhood 5 7/17/16 Merrily,  merrily they play On a bright and rainy day Building bricks of clay White veils on hilltops Rainbows painted in the skies Streams play lullabies Jumping and yelling Running barefoot on the mud Gasping and sweating 

Joys of Childhood 4 7/17/16 Merrily, merrily they play Flying kites on windy day On the fields of hay Birds cheer in the air Trees and flowers join the thrills As south monsoon twirls Sky is clear and blue Up there on high dreams come true Both for me and you

Joys of Childhood 3 7/17/16 Merrily, merily they play Bathing in ponds, climbing trees Bruising skin and knees Gaieties in the woods Fruits to pick, syrups to sip  Caves to hide and seek Cattle feeds are done Sun is low, it’s time to go Firewoods are in tow 

Joys of Childhood 2 7/17/16 Merrily, merrily they play Building dreams and hopes on sand Singing melodies They run to the sea As their fathers dock ashore There are fish and more Some get the paddle The rest drag the boat secure There is fish for all

Joys of Childhood 1 7/17/16 Merrily, merrily they play Gliding on coconut sheaths On hills full of glee Running up and down Smiling, screaming in the sun Tearing pants and gowns. On their mother's call They hurry to nearby spring Water jugs to haul

abat sa internet tagolilong nga biyobiyo lunsay niyang tuyo panlinlang ug pamotbot ang mensahe sa biyobiyo puros balitang mini sa matag sabwag sa kadaut salapi ang bugti

ang pangutana ug katingala tubod nga way pagkahubas tagoangkan sa kaalam  tanaman sa tanang buhilaman ang katingala makapaaghat sa mga hunahuna ug buhat ang kalag ug espiritu mag-alindasay mokagiw ang kalinaw  hangtod ang kamatuoran mosilaw ang pangutana kulba ug kuyaw sa sayop nga pangutana  mobanlas ang sayop nga tubag kinahanglan mosubay sa alamdag si Socrates natingala si Rizal nangutana gilutos ug gibilanggo tungod sa ilang panginlabot ang pangutana ug katingala  hinagiban sa kamatuoran paglingkawas sa bakak ug kangitngit  sanglitanan sa mga bayani ug sinakit ang pangutana ug katingala bililhong katakos sa mga lungsoranon aron makalingkawas sa panatisismo ug makalikay sa lunod-patay nga pagpaluyo kun adunay panikas ug panghuthot angayan matingala kun adunay anomaliya angayan mangutana magpakisusi mamalandong aron katilangban magmalampuson

uyab sa pilosopiya ang mga pilosopo nabaniog niini ang mga karaang Griego labina si Aristotle ug Plato ang pilo nangahulogan ug gugma kalaaman usab ang sopiya  sa Sugbuanong Binisaya ang pilosopiya gugmalam buot ipasabot paghigugma sa kaalam pagkatingala, pagtuki, ug pagpangutana ang hinagiban sa pilosopiya kini usa ka disiplina nga walay utlanan kay ang tanan mahimong pamalandongan 

kun ang atong damgo lapad  hamugaway ang atong panimpad hawan ang atong panabot nihit ang kagubot husay unta ang atong dakbayan lapad ang atong kadalanan lu-ag ang atong salidlid walay binuang sa kilidkilid ang tanan adunay luna ug kabutangan awto, tawo, karomata, kabayo, ug edipisyo ang pusod sa Sugbo dili unta hagip-ot dali ra makit-an ang mangunguot magpanagana ang manglabhinay ang mamaligya ug mamalitay dili magsikhanay kung lapad pa ang atong panabot motamod ta sa mga balaod taas ang atong pailob walay abusado, walay hawod  hapsay unta ang haywi ang trapik luag sige  nihit ang disgrasya walay rodreyds ug patay dili pa kas sa krudo ug gasolina

ang saad angay tumanon. ang tala angay buntogon. katumanan ang kinabuhi sa panaad Pagkabuntog ang kapalaran sa tala. busa, ang tumana ang imong panaad ug gub-a ang natala.

balaksip ug haiku 11/26/17 kun ang mga hapon adunay haiku, ang mga cebuano adunay balaksip- "balak nga tinagsip." ang tinagsip dili gamay dili pud daku, dili taas dili pud mubo, dili lisod dili pud sayon, hinoon lunsay ug yano. ang tinagsip bayani sa mga tipik, -tipik nga panlantaw ug panahom- tipik lamang di kinabuk-an, kay ang absolute makadaut. ang balaksip usa ka matang sa pakighimamat sa kamatuoran,  kaayo,  katahum,  ug kaalam. ang iyang lak-ab ug garay walay bugtong sukdanan; mahimong magsungay ug mag-angay, ang kinahanglan  adunay katahom ug saysay. ang balaksip susama sa timo, dili bus-ok dili pud gaan; igo lang masudlan ang tiyan. diha sa tinagsip maugmad ang kabuhong, sa hinay-hinay apan bug-os ug kanunay, ang kalamboan maangkon, sama sa kamakanunayon sa mga hapon . balagsip sa mutya sa sidlakan, haiku sa yuta sa adlaw nga nagsubang.

Basin sa Balak 8/10/17 basin sa balak makat-on ang dughan sa pag asoy sa dili matukib diin mapandol ang hunahuna motadlas ang handurawan sa kamatuoran nga walay utlanan. basin ang tanlag makaangkon sa kagawasan subay nianang tudling nga way pinalabi  -tul-id man o baliko. basin sa pagtagik sa mga garay ug huni, makab-ut ang way kinotubang luna  -patag,  libaong,  balikid,  walog- alang sa mga batid ug yano, nga andam maminaw,  mosabot, ug mobati sa way pagpanghusga. basin sa pamalak masinati ang kalinaw ug kahilom.

Baybayon 5/1/11 Ang baybayon saysay sa kinabuhi sa tawo. Sa pagdagsa sa mga balod, Natukib ang mga tanghaga Nga naglimin sa alimbuyok sa sulog. Hulagway sa atong pakigbisog, Ang pagta-ob ug paghunas sa dagat. Bisan ang kapalaran sa mga gapnod, Nag-asoy man sa atong damgo ug paglaum. Ang malig-it nga mga bato, Ug lunsay putli nga mga balas, Salamin sa kaligdung ug hiyas.

Kinabuhing Sinukgay 4/21/11 sama sa kan-on nga di maluto kun di sukgayon ang kinabuhi uyogon usab sa alimbuyok sa sulog ang mapaubos sagad mahimong dukot ang mapataas unang matukob ang tunga-tunga sagad mapan-os

Dagway sa Hinigugma 4/18/11 ang imong mga ngabil gihay sa rosas, dagtom pula nga aswetis. ang imong mga mata hudyaka sa talikala, subang sa takdol. ang imong mga aping hinog nga mansanas, pulagaw nga kasadpan. ang imong kandi-is alimpulos sa kabukiran, buhawi sa kalawran, lilo sa Santander. ang imong dughan bukid sa Sion, bungtod sa kabulahanan.

Biyernes Santo Tam-is ba kadtong kauhaw, Nga di mapanton sa aslom nga suka? Unsa kabililhon ang tawhanong kinabuhi, Nga halaran man sa Diosnong kamatayon?

Pasko 12/24/10 Dili ni ako, dili pud imo. Ang pasko, Iya ni Kristo.

Ang Tabanog Ni Nilo 11/28/10 Ang tabanog ni Nilo, Nindot kaayo, Sa kahanginan mosulbong ug motidlum, Mokiay-kiay ug mosaliray. Maayo pa si Nilo, Nahimo nang piloto.

Ang Imong Talidhay 8/2/10 Ang imong talidhay ungol sa uwagang iring inagulo sa pisot nga iro tiyabaw sa gipulang nga kanding tilaok sa binabayeng manok daghong sa gihayblad nga butakal tinga sa giurom nga lamok agik-ik sa karaang pultahan utot sa engkantong bayot.

Auto de Luho Auto de luho Sakyanan kuno sa mga engkanto Matud pa ni Ombo Managit ug bata kun di matulog inig ka udto.

Kandiis Lilo, alimbuyok, bung-aw nga misuyop sa nalipong kong panimu-ot; Naratol, wa na katoltol, gimino sa maanyag nga buho. Panan-aw, Kalimutaw, Milarok daw udtong tutok; Nalibat, Nalit-ag, Nasa-ag sa bangag, Nga midayandayan, Sa matahum mong pahiyom.

gone mossed is the vow that we carved on the rock’s sturdy cheeks withered too are the maguey leaves on which written the blessed day, month, and year above our names the promise once made and the wish for the morrow are gone with the wind.

Asa Na? gilumutan na ang panumpa nga atong gikulit sa lapad nga aping sa panas nalaya na usab ag mga dahon sa magay diin nalatid ang hamiling adlaw, bulan, ug tuig ibabaw sa atong pangalan ang panaad nga gibilin ug pangandoy sa kaugmaon nahanaw uban sa hangin.

Haw-ang Haw-ang ang lawak sukad sa imong pagbiya. Ang lantay kawayan nga naghigda daplin sa pultahan Gisugdan na ug tukob sa mga bokbok. Ang mga tunob sa sayop nga lakang Nagpabiling buhi ilawom sa mga abog nga milimin sa salog. Ang amakan nga bintana nagsigi lang ug pasiklap Ang siklat nga pultahan nagsigi lang ug panglili. Tingali nagpaabot sa imong pagbalik.

Kalipay plas Kasakit ikwals Himaya. Pag-antus tayms Paningkamot ikwals Kalampusan. Gugma dibaydidbay Asawa, Bana, ug Anak ikwals Pamilya. Kinabuhi maynus Ginoo ikwals Empiyerno.